無肉食 (堡壘街) (已結業)

雖然今日唔係Green Monday, 但偶爾食下素食都係對身體好，今日去左無肉食試下佢地的素食自助餐。平日晚餐價錢係$108免加一，餐廳環境感覺舒適，入座後一切自助。菜式相對健康，棄用加工素肉，不過素食味道始終較一般自助餐單調。素食口味有甜有鹹有濃有淡，任君選擇。食物款式包括沙律、 炒菜、炸品、糕點全部齊，炒面、炒河仲有埋甜品。必食推介：炸春卷，芝士撻，沙律，炒粉，中式糖水基本上涼菜熱菜都好好食，而且不停添加食物，雖然冇肉食，但都絶對係豐足的一餐。食飽後要自己執拾碗筷及倒掉剩餸，客人依照指示分類收拾好。整體而言，餐廳的概念值得支持，食物種類都都唔少，而且幾好吃！不過中午會抵食D。