甘永泰魚蛋 (已結業)

今日天雨路滑入嚟長洲食大魚蛋，平時食開果間，執咗？裝修緊？ 唯有去對面果間甘永泰啦。 叫咗一串都未食，就知伏已中。 見佢檯面有盆未煮嘅魚蛋hea喺度，烏蠅食先。 串魚蛋，d滴落嚟嘅油多到夠煮多幾碟餸！清一色，冇汁！ 係乜汁都冇得揀，辣唔辣都冇得揀，只有油味。 拎上手已經失望到一個點，咬落去，都係油，油同埋油。 想點呢？？企喺檔口旁邊，見一行幾人同我一樣中伏中，當中有位婆婆，客氣地問檔入面一個大叔，可唔可以俾張櫈佢坐一坐。 大叔好似定格十秒咁款，好晦氣咁話冇呀！ 果位婆婆的家人唯有扶住果位婆婆，手執魚蛋，冒著雨一拐一拐咁四圍搵可以坐坐嘅地方。 然後，相中果3位無情嘅大叔大嬸，繼續冷嘲熱諷果位婆婆，話當自己係老闆咩？幫襯幾串魚蛋就想坐，你估我地呢度堂食呀..........以我邊食垃圾魚蛋邊觀察，果位婆婆明顯腳有事不能站太久，先會提出借櫈坐一坐嘅要求，並唔係想"堂食" 囉！ 更何況，果度油煙咁大，好人好姐都唔想"坐一坐" 囉果然，佢嘅同行親友，不忍佢地冷嘲熱諷，回應佢地3個，婆婆只係做完腳手術，企唔得耐啫，問一聲，借就借，唔借咪算囉，冇必要喋喋不休，出言譏諷。相中果3個涼薄嘅人，本身年紀都