養心殿台式養生鍋 (已結業)

本身朋友生日，一心諗住搵間地方大啲安靜啲嘅餐廳打邊爐，就諗住試吓先間棉登徑既養心殿，岩岩香港有呢間果時食過一次，記憶感覺整體都不錯，同睇onpenrice訂坐有7折優惠，所以先再試吓呢間，誰不知一到門口……勁噏duck，甩皮甩骨，仲見到果神位，感覺唔多好,唔緊要，試左食物先，服務員還好，食物到齊，頂！果蟹棒呢我地叫左細份試吓，但無諗過係得三條？！咩料牛肉還好，湯底我地叫左麻辣大辣，完全唔辣囉都唔係旺角果間水準，係咪老翻黎咖間野！三個人我地6:30入坐，8點叫佢收起哂野食蛋糕，最後我哋遲咗3分鐘埋單，佢話過左3分鐘做唔返果7折比我地，我地堅持左一陣，叫埋經理黎都話咩都做唔到，就係因為7折，我哋先叫左兩轉牛肉，真心無良心，係，我地係遲左埋單，但唔係不近人情，態度勁差，係無咖啦，佢語氣就係講到明「係你地唔記得埋，唔關我事啵」無野既，真係唔會有下次，同會幫佢宣傳呢樣野囉，呃錢