紅茶 (已結業)

紅茶冰室似乎近幾個月越開越多，路過又要搵野食，諗住呢間應該有信心保證。叫左個特餐：即係沙爹牛肉麵、火腿奄列、同丹麥多士。可能有比較嘅緣故，個沙爹牛肉無觀塘分店咁入味。雖然睇落牛肉好似多過觀塘分店，但似乎味道都唔夠香濃，同埋睇落都有幾多油。奄列係正常貨色，但都係偏多油。丹麥多士應該比較少茶餐廳有，簡單黎講就係多士加糖漿同牛油。食落好香口。順帶一提，呢度個檸茶，茶底夠香濃，不過好似佢地都偏向落好多糖漿，唔食太甜嘅人士記住叫少甜。