影片
更多
2021-08-14
46 瀏覽
收工過嚟長沙灣搵人食飯，有人提議去 One Madison 地下嗰間「時代冰室」。呢間餐廳嘅分店近年越開越多，可見其受歡迎程度。記得呢個位之前係一間點心雞煲火鍋店，舖頭面積頗大，環境光猛又夠開揚，座位寬敞闊落，坐得十分舒服。餐牌的選擇非常豐富，包羅萬有，除了多款王牌小菜外，仲有鐵板、煲仔、蒸選、蔥油三眼煎蛋飯、肉燥手工麵、石鍋湯、滑蛋蓋飯、豉油西餐等等。大紅大紫·咕嚕排骨 ($78)：排骨有兩種唔同口味，一邊用上糖醋汁炮製，而另一邊就用上菠蘿汁。兩款味道都很不錯，炸粉不厚，醬汁僅僅包住外層，咬下去仍維持脆口感覺，入口酸甜合度，酸香醒神，各具風味。馬友魚香·茄子魚塊 ($72)：魚香茄子係平時去大排檔必點嘅菜式，今次仲加入咗馬友同魚塊，超級豐富。鹹魚粒令魚塊增添鹹香，加上軟糯嘅茄子；外層酥脆、內裡細嫩的魚柳，食落微辣香口，夠晒惹味。每個小菜都會奉送老火湯、絲苗白飯及熱飲，今日嘅老火湯係合掌瓜紅蘿蔔豬骨湯，湯料很多，飲落無味精。食完個濃味嘅茄子，揀番客清淡啲嘅石鍋湯：極尚·鮑魚花膠·花菇滑雞濃湯·石鍋湯 ($65)，套餐可以配湯泡飯、烏冬或手工刀削麵，+$12 仲可以轉雞全髀。石鍋湯熱辣辣
收工過嚟長沙灣搵人食飯，有人提議去 One Madison 地下嗰間「時代冰室」。呢間餐廳嘅分店近年越開越多，可見其受歡迎程度。
記得呢個位之前係一間點心雞煲火鍋店，舖頭面積頗大，環境光猛又夠開揚，座位寬敞闊落，坐得十分舒服。
餐牌的選擇非常豐富，包羅萬有，除了多款王牌小菜外，仲有鐵板、煲仔、蒸選、蔥油三眼煎蛋飯、肉燥手工麵、石鍋湯、滑蛋蓋飯、豉油西餐等等。
大紅大紫·咕嚕排骨 ($78)：排骨有兩種唔同口味，一邊用上糖醋汁炮製，而另一邊就用上菠蘿汁。兩款味道都很不錯，炸粉不厚，醬汁僅僅包住外層，咬下去仍維持脆口感覺，入口酸甜合度，酸香醒神，各具風味。
馬友魚香·茄子魚塊 ($72)：魚香茄子係平時去大排檔必點嘅菜式，今次仲加入咗馬友同魚塊，超級豐富。鹹魚粒令魚塊增添鹹香，加上軟糯嘅茄子；外層酥脆、內裡細嫩的魚柳，食落微辣香口，夠晒惹味。
每個小菜都會奉送老火湯、絲苗白飯及熱飲，今日嘅老火湯係合掌瓜紅蘿蔔豬骨湯，湯料很多，飲落無味精。
食完個濃味嘅茄子，揀番客清淡啲嘅石鍋湯：極尚·鮑魚花膠·花菇滑雞濃湯·石鍋湯 ($65)，套餐可以配湯泡飯、烏冬或手工刀削麵，+$12 仲可以轉雞全髀。
石鍋湯熱辣辣上桌，湯底充滿花膠雞的精華，味道好濃郁。雞髀肉大大件，肉質超滑溜。鮑魚都好正，彈牙又爽口。花膠滑嘟嘟、滋補又養顏。另外仲有厚肉嘅花菇、娃娃菜、蟲草花等，非常足料，配埋滑溜的烏冬一齊食，飽肚又美味。
飲品點咗特盛·綜合·水果茶同熱奶茶，水果茶跟餐價只需 $13，已經係二人份量，非常大渣。果茶用上芒果汁同橙汁炮製，內有菠蘿、椰果、車厘子等，味道清新，好解渴。
甜品點咗金磚·一口西多·伴雪糕 ($36)：西多炸至金黃香脆，咬下軟綿又富蛋香，入口不油不膩 ，麵包鬆軟，配上旁邊甜蜜的紅豆粒同冰凍嘅朱古力雪糕一起吃，倍添滋味。
張貼
