味火鍋 (雅仕洋樓)

同朋友去咗味火鍋打邊爐，$359 任飲任食，仲可以食到凌晨1點，對於我哋呢啲夜貓嚟講簡直係天堂😂而且呢個價錢仲包齊頭盤、火鍋拼盤同無限量嘅火鍋配料，真係食到飽冇得輸。頭盤可揀佛跳牆，芝士焗波士頓龍蝦，老壇酸菜魚或麻辣雞煲我哋揀咗 老壇酸菜魚，魚片好大塊，酸菜嘅酸度啱啱好，唔會過酸但又夠開胃。魚肉嫩滑，酸菜嘅味道滲入咗魚入面，每一啖都好鮮甜，成個湯底飲落去酸辣開胃。湯底我哋揀咗兩款，芫荽皮蛋湯同麻辣鴨血湯。芫荽皮蛋湯清甜香濃，好多芫荽，啲湯好鮮甜。至於麻辣鴨血湯，辣度適中，鴨血嫩滑得嚟又入味，麻辣嘅香氣喺口腔入面散開，越食越辣但又停唔到口。中間圓圈嘅係清湯加薑，可以用嚟淥海鮮，原汁原味。海鮮拼盤好豐富，有大元貝，手打墨魚丸，手打蝦丸，魚蛋，台山蠔，龍躉，海蝦，蜆同日式蟹棒。每樣海鮮都好新鮮，元貝好鮮甜，龍躉魚片又滑又嫩，海蝦彈牙，蜆冇沙亦都好鮮甜，成個拼盤真係可以食到各種海洋嘅味道。美國安格斯牛肉拼盤同樣唔少得，入面有手切牛小排，牛肩胛同牛板鍵。牛肉質素高，牛小排脂肪豐富，煮一陣就入口即化，牛肩胛就比較嫩滑，牛板鍵較有咬口，牛味濃郁，正。除了以上，其他 丸類，餃類，肥牛，豚肉同蔬菜都可以