鮨本

營業中

休息中

今晚黎到銅鑼灣嘅鮨本食返餐好嘅，之前睇到好多人介紹一直都想試下，真係得👍🏻👍🏻 我星期五去，佢有個限定蝦蟹貝omakase, 一於試哩個！比普通omakase set佢多左好多款海膽食，海膽控啱哂！酒肴六品:鹽燒平貝輪蟹配馬糞海膽瀨尿蝦，清酒鮑魚地海膽八貝天婦羅酒肴非常出色，蟹肉超鮮甜，地海膽有少少青芒果味非常特別! 仲有平時少食到嘅平貝同瀨尿蝦😍😍壽司:赤貝鳥布北寄貝香箱蟹牡丹蝦馬糞赤海膽赤背裙邊白海膽華漣真蠔壽司質素好高！醋飯個酸度好啱我，完全唔散，師傅年紀輕輕功夫一流👍🏻 重點梗係即拆嘅牡丹蝦！超級超級大隻鮮甜😍 北海道嘅海膽梗加唔洗講，好甜好正，個海膽山軍艦無得輸！👍🏻👍🏻👍🏻 其他貝類都好新鮮，每日新鮮運到，正釜飯主食嘅海鮮釜飯好壯觀，勁多料，熱辣辣，食完飽哂😝玉子燒即焗即切，好食南瓜布丁第一次，幾特別，甜度啱啱好哩度質素高，價錢合理，師傅用心，唔怪之得一位難求，記住要訂位！