鼎·會館 (已結業)

一直久仰鼎爺主理嘅私房菜餐館，意想不到鼎爺嘅功架除了打得，原來仲咁煮得。電視上見到佢大顯身手，總覺得意猶未盡，今次趁住家人生日飯午聚為攝入點，總算能一睹鼎爺厨房嘅真實風采！作為鼎爺開嘅第二間粵菜館，鼎·會館嘅裝潢同樣相當有心思。環境氣份有種小橋流水嘅中式恬靜，令整個用餐體驗相當舒適。菜式方面：｜鮮蟹肉金湯煲仔翅｜南瓜湯作為西式菜式，但用上中式配搭，加入鮮拆蟹肉及魚翅，不但不覺突兀，反而配搭得相當創新，蟹肉嘅鮮甜於濃濃南瓜湯中不但沒有被蓋過，反而相形更突出。加上口感濃滑嘅南瓜湯及爽口魚翅，賣相十分搶眼！｜燒味雙拼｜平平無奇嘅燒味其實同樣相當考功夫！連一向挑咀嘅親友都大嘆燒味恰到好處，燒腩仔十分香脆，而油雞則新鮮嫩滑。最特別係個醬汁，甜甜哋，更吊出燒味嘅咸香。｜海參扣柚皮｜一向都好想試柚皮呢道菜色，果然有驚喜！海蔘炆得軟稔，柚皮亦相當入味，沒有苦澀味，反而入口鬆化，與海蔘十分夾！｜黃金琵琶蝦｜與上海菜中嘅黃金蝦有異曲工之妙，外層炸得金黃輕脆，入口有陣陣咸蛋黃嘅甘香，內層嘅蝦十分鮮甜彈牙。｜蕃薯糖水｜中式糖水而言我比較介其甜度處理。而呢款飯後甜品嘅甜度就啱啱好，蕃薯入口亦散發著本身嘅獨有甜度