黑木 (已結業)

今日突然想食串燒，搵到間叫黑木，做得專門店自然有適當造詣，如果唔係點樣開檔！調味都做到，因為有些店只靠食物的自然味而唔會調味。印象最深刻是燒翠玉瓜， 燒得水份夠，用了孜然粉及准鹽，有香味，效果很好。最特色的雞軟骨肉串加生雞蛋，因為組合好，軟骨好味，汁多之中有𡁻口，概念好。一般我唔會點燒雞尾，想不到效果非常好，有雞的香味，唔會太油，當然無羶味。沖繩豬手幾好，先用慢煮到鬆軟，跟著再燒香，有酸甜味道解咗膩。份量十分夠，廚師發板有12款燒物，燒蘆筍、青椒仔、黑臀肉、雞心、豬軟骨及各款菇類。海鮮茶壺湯作吸物，燒魷魚一夜干作季節海鮮，前菜有三款，冇甜品。另外我點左日本啤酒，廚師發板每位$688，新年好意頭！