CoCo壹番屋 (皇室堡)

營業中

休息中

想食日式咖喱又唔知道去邊度食，突然之間有人話不如食CoCo壹番屋啦。呢間Coco 個位好隱蔽，上到3樓仲要向右行入啲先見到，好多吉位★̆̈ 漢堡奄列咖喱飯$87之前試過Level three辣度覺得有啲蓋過咗咖喱嘅香味。為咗唔搶咖喱嘅味，我就揀咗Level two嘅辣度。成日都諗點解香港嘅日本咖喱冇喺日本食嗰種香甜嘅味，今次發現原來Coco有支果蜜醬，加咗少少落去之後，有返少少喺日本食嘅感覺。蛋好滑，咖喱汁雖然冇溝到牛肉汁，但都好濃郁，啲汁仲多到每粒飯都撈到汁！漢堡好係好出色，係用牛絞肉同豬絞肉整成嘅，肉汁鎖咗喺舊漢堡度，咬落有好香嘅肉味，肉質都好軟嫩，食過返尋味！