睿居酒屋 (已結業)

朋友最近搬左去大坑，今晚去探朋友賀佢新居入伙，朋友就帶我去食好野。呢間居酒屋你大坑出名高質，而且門口仲有個日式庭園，充滿日本風味。醬油枝豆前菜係枝豆，第一次食枝豆，用醬油煮帶少少咸味而又唔會蓋過枝豆既甜味。柑橘醋海蜇柑橘醋好香，酸酸地好開胃，海蜇口感爽脆。深海池魚薄切平時好少食池魚，但店員極力推薦，就一於試下，估唔到咁鮮甜，雖然薄切，但食落都好有口感，配埋酸酸地既醬汁同好特別既WASABI，食到停唔到口。赤身壽司、帶子壽司、白蝦壽司壽司既配搭都好有心思，赤身配左少少薑，帶子配左炭鹽，炭鹽第一次食，鹽味唔會好咸，但又可以帶出帶子既鮮味，白蝦就配左啫喱酸汁。西京燒銀雪魚第一次食到咁滑既銀雪魚，燒完好香，外皮好脆。芝士免治雞肉棒芝士處於半溶狀態，而且好厚身，好香濃既芝士味，免治雞肉唔會燒到好乾。鱈魚魚麵呢款又係店員推介，期間限定，MENU暫時未有，第一次食用鱈魚整既麵，好彈牙，湯底好清甜，果然冇介紹錯。