影片
更多
2024-07-21
1040 瀏覽
都有一段時間無食過放題，今次揀呢間主要係俾佢哋嘅升級優惠吸引，餐廳轉咗用新inline網上訂位，訂座任何放題都可以免費有馬來西亞烤榴槤任食，仲有得升級食紐西蘭西冷牛扒，兼且Haagen-Dazs雪糕無限續杯，都幾抵㗎！首先梗係講榴槤先，榴槤控黎到一定食得勁滿足，一上檯即傳來陣陣榴槤香，涷食的榴槤肉口感好順滑，入口都夠甜。不過我鍾意食烤榴槤多啲，烤過的榴槤肉表面少少微焦，入口暖暖的好軟糯亦更香甜。刺身方面種類雖然唔算好多，但係每款剌身都保持到水準，當中最推介嘅係帶子刺身及劍魚腩，肉質好肥美，另外阿根廷赤蝦亦好大隻，飽滿亦爽口。手卷及壽身類勝在細細件，可以試多幾款唔會驚撐得太飽。至於燒物熱食，首先要提的當然是鐵板紐西蘭西冷牛扒，有蒜蓉汁及黑椒汁兩款醬汁可選，食落都夠香口，如果能保持剛煮熟熱辣辣的溫度就更完美了。其他要推介的，一定是軟嫩爽口的鹽燒牛舌、酸酸甜甜好開胃的燒菠蘿、肉質幾肥美的蒲燒鰻魚、勁香口的鹽燒雞軟骨，仲有其他燒羊鞍、鹽燒雞翅、蒜蓉燒生蠔、麻辣小龍蝦等等就不一一介紹了，不過意想不到的是竟然有薑蔥炒花蟹、迷你羊腩煲及御品鮑汁燴花膠，羊腩炆得入味亦好淋，花膠真的好大塊，回本必點！最
首先梗係講榴槤先，榴槤控黎到一定食得勁滿足，一上檯即傳來陣陣榴槤香，涷食的榴槤肉口感好順滑，入口都夠甜。不過我鍾意食烤榴槤多啲，烤過的榴槤肉表面少少微焦，入口暖暖的好軟糯亦更香甜。
刺身方面種類雖然唔算好多，但係每款剌身都保持到水準，當中最推介嘅係帶子刺身及劍魚腩，肉質好肥美，另外阿根廷赤蝦亦好大隻，飽滿亦爽口。手卷及壽身類勝在細細件，可以試多幾款唔會驚撐得太飽。
至於燒物熱食，首先要提的當然是鐵板紐西蘭西冷牛扒，有蒜蓉汁及黑椒汁兩款醬汁可選，食落都夠香口，如果能保持剛煮熟熱辣辣的溫度就更完美了。其他要推介的，一定是軟嫩爽口的鹽燒牛舌、酸酸甜甜好開胃的燒菠蘿、肉質幾肥美的蒲燒鰻魚、勁香口的鹽燒雞軟骨，仲有其他燒羊鞍、鹽燒雞翅、蒜蓉燒生蠔、麻辣小龍蝦等等就不一一介紹了，不過意想不到的是竟然有薑蔥炒花蟹、迷你羊腩煲及御品鮑汁燴花膠，羊腩炆得入味亦好淋，花膠真的好大塊，回本必點！
最後要提的是餐廳飲品種類都好多，有款清熱檸檬飲值得大推，加入了白茅根及菊花精華，微甜好喝。嗜酒一族亦可暢飲梅酒、清酒及啤酒。雪糕甜品款式亦超越多，當中重要包括我至愛的Häagen-Dazs，食完好飽又滿足。
張貼
