影片
更多
2016-03-05
5107 瀏覽
我同朋友都係日本既，最鍾意食日本野；我住在海邊，最鍾意食海鮮；我港女祟洋，最鍾意食西式野。人性往往就係咁貪心，要一次過滿足曬三個願望？咁又唔洗出奇蛋，帝都酒店２＋２ ＣＡＦＥ都幫到我，行完百貨公司，見到佢宣傅牌，推出左個最新既東瀛滋味海鮮自助晚餐，有刺身、壽司、爐端燒、天婦羅、拉麵等嘅日式美食，同埋多款海鮮，簡直係我既ｐｅｒｆｅｃｔ ｍａｔｃｈ啦！價錢方面分咗全時段、第一優惠時段同埋第二優惠時段，分別收＄598同埋＄418，我地始終都係女仔，所以選擇第一時段就心滿意足啦。先黎個冷盤凍肉，好多選擇，長腳蟹、扇貝、翡翠螺、藍青口、蝦等，蝦最鮮甜，食左成打都有！長腳蟹好多肉，超正！當然自助餐唔少得既就係生蠔啦，簡直係男士恩物，呢間餐廳有個廚師ｏ係度沖洗，夠曬衛生，最好就係條隊好短，份量多，每人可以拎三隻，配有檸檬汁同ｃｏｃｋｔａｉｌ ｓａｕｃｅ！係美國生蠔黎架，味道係清淡Ｄ既，但肉質尚算鮮甜，有淡淡嘅海水味，size就比較細，不過任食既，食多幾隻囉！刺身有三文魚、希靈魚、北寄貝、八爪魚、鯛魚、吞拿魚，隔離仲有手卷都係師傅即叫即包！刺身肥美肉厚，爽甜鮮！除左凍盤食到海鮮，仲有可以白焯海上鮮
我同朋友都係日本既，最鍾意食日本野；我住在海邊，最鍾意食海鮮；我港女祟洋，最鍾意食西式野。人性往往就係咁貪心，要一次過滿足曬三個願望？咁又唔洗出奇蛋，帝都酒店２＋２ ＣＡＦＥ都幫到我，行完百貨公司，見到佢宣傅牌，推出左個最新既東瀛滋味海鮮自助晚餐，有刺身、壽司、爐端燒、天婦羅、拉麵等嘅日式美食，同埋多款海鮮，簡直係我既ｐｅｒｆｅｃｔ ｍａｔｃｈ啦！價錢方面分咗全時段、第一優惠時段同埋第二優惠時段，分別收＄598同埋＄418，我地始終都係女仔，所以選擇第一時段就心滿意足啦。
先黎個冷盤凍肉，好多選擇，長腳蟹、扇貝、翡翠螺、藍青口、蝦等，蝦最鮮甜，食左成打都有！長腳蟹好多肉，超正！當然自助餐唔少得既就係生蠔啦，簡直係男士恩物，呢間餐廳有個廚師ｏ係度沖洗，夠曬衛生，最好就係條隊好短，份量多，每人可以拎三隻，配有檸檬汁同ｃｏｃｋｔａｉｌ ｓａｕｃｅ！
係美國生蠔黎架，味道係清淡Ｄ既，但肉質尚算鮮甜，有淡淡嘅海水味，size就比較細，不過任食既，食多幾隻囉！
刺身有三文魚、希靈魚、北寄貝、八爪魚、鯛魚、吞拿魚，隔離仲有手卷都係師傅即叫即包！刺身肥美肉厚，爽甜鮮！
除左凍盤食到海鮮，仲有可以白焯海上鮮，食原汁原味，而且好闊綽，每件都有成３個人份量，超正！選擇睇到都心花盛放，花甲、扇貝、三點蟹、花螺、賴尿蝦、海蝦、沙白，海鮮選擇真係非常多，非常切合主題！
賴尿蝦唔多酒店有，好欣賞，啖啖肉！所有原汁原味，食佢既最鮮最甜。我最鍾意花螺，爽Ｑ既口感點豉油一流！三點蟹既肉質就鮮甜飽滿！連蜆類都有花甲同沙白，酒店呢方面真有心！食完ｄ健康既，就開始食ｄ熱氣ｄ，但更加正既爐端燒同天婦羅，又係新鮮在你面前整！
爐端燒有龍蝦、雞軟骨串雞、中翼串燒、多春魚、鯔魚、燒鯖魚、扇貝、蟹鉗、秋葵、茄子、冬菇！最愛龍蝦，肉厚鮮甜，如果可以加埋芝士一齊就完美了。
蟹鉗超大隻，肉質實，味道出！
天婦羅係即點師傅即炸，蝦、秋葵︴番薯、茄子連軟殼蟹都有，真係要俾掌聲，雖然嗰漿可以再薄同輕身ｄ，但我仍愛軟殼蟹天婦羅，好似食到ｄ膏超正！
當然有一系列既主食，用左彩色名牌煲裝，倍添氣派！
唔飽既朋友，仲可以食佢既日式拉麵或者烏冬，一啲都唔輸蝕，而且好比貨，材料好足：有糖心蛋、蟹柳、魚片、粟米同埋筍都有。
最後女生最愛甜點篇，ｈａｇｇｅｎ ｄａｚ雪糕６款口味，仲布ｗａｆｆｌｅ、朱古力噴泉呀等！欣賞個３。６牛乳布丁，超重牛奶味，超滑嘟嘟，好似好滋潤咁！
綠茶紅豆卷都好鬆軟，而且包了好滑濃既ｃｒｅａｍ！
食完呢個自肋餐，好開心，因為滿足曬貪心既我，而且真係好配合主題，俾客人食海鮮既食材選擇同烹調方法都有好大自由度，感受到酒店既用心安排！
張貼
