JK Brother’s (已結業)

難得一班朋友gathering所以今日約咗嚟尖沙咀食放題！今日揀呢間日韓放題，放題仲有生章魚食，咁梗係要叫嚟試下！嘩，原來仲有醬油蝦！餐廳有個魚缺專放活章魚，見到d章魚好新鮮好生猛，好似想爬出嚟咁！活章魚上枱仲郁緊🦑放入口即刻吸住咗個口🤣好特別！醬油蝦超大隻！🤤好鮮甜，又彈牙，蝦頭仲有膏！我地忍唔住食咗好多隻！至於日本野嘅部分，刺身好多款式，有三文魚、有頭甜蝦、赤貝、帶子等等！全部都好新鮮，味道鮮甜！壽司款式眾多，選擇困難症既朋友可以每款叫一件試下！其他食物方面，我大推網燒牛仔骨（好淋好香）、人參雞湯（好夠味）、溫泉蛋魚糕湯烏冬、咖哩牛舌！甜品方面，雪糕雪條勁多選擇！韓國雪條食多2條已經回哂本！🍦仲有梅酒任飲，真係絕對超值！