日常料理 (已結業)

地方唔算大，但都好多位坐。餐牌設計到似收據，幾得意主食選擇唔算多，當日好多都無供應，選擇更少。可能唔夠人手，得一個廚師同一個樓面，安排有啲混亂，一開始話無飯得烏冬，之後無幾耐又話有返飯。上菜好慢，只有兩三枱客都等左超過20分鐘先有日式豬軟骨飯（$62）份量大份，多飯多肉，好飽肚。有3大舊豬軟骨，唔係煮到好腍，豬軟骨有少少硬，個人鐘意腍到好似啫喱質感嘅豬軟骨。無肥膏嘅肉有啲嚡拾拾，豬軟骨好油，成個碟底都係油。