今助 (已結業)

晨早 9 點幾醉醒左係屋企發呆，好采朋友仔得閒食 lunch，悶悶地走去沙田食拉麵啦，順便我都想睇睇有無野買。門外 display 既仿真食品好靚喎 ﹗原來今助係無拉麵架烏，只有烏冬供應，是但啦。山長水遠仲要等左 35 分鐘先有位，四周半數以上都係大陸人，仲要揀錯舖頭囉 ﹗肥牛海鮮什錦湯烏冬配日本甜醬油湯底，Not Good！甜得有點過份，湯底得個甜字，蓋過所有牛味海鮮味，單調致極。烏冬質感似足油渣麵，硬屈屈又乾爭爭，完全唔嫩滑，噹噹好食過佢。唯一欣慰既係海鮮什菜質數同味道還可以，帆立貝蜆仔蝦天婦羅好味，冬菇金菇溫泉蛋好食。肥牛免免強強，口感好棉，吸收晒甜醬油味道，好甜但略有點羶味。三色刺生，刺生最穩陣 ﹗鱆紅魚香甜彈牙有咬口，三文魚及甜蝦都好新鮮，好好味呀 ﹗正 ﹗五目飯，睇相以為係五穀飯添。日本米都係較濕較黏口，感覺好滯。味道有點藥材味有點蔘鬚既味道，我只食左兩口，放棄。