影片
更多
2023-08-02
4713 瀏覽
[ 但馬屋 ]香港有眾多型式火鍋店，呢間主打「一人一鍋」日式🇯🇵涮涮鍋放題，任飲任食90分鐘。✿ 北海道夢之大地豚肉放題套餐 $299湯底🍲今次二人同行選擇咗兩款不同湯底。第一款係夏日限定☀️湯底「蕃茄壽喜燒」，由即日起至2023年8月31日供應。湯底以壽喜燒汁加入原粒鮮番茄🍅熬煮而成 ，酸甜蕃茄融合傳統壽喜燒嘅甘甜，味道平衡，滋味開胃，好適合夏天享用。第二款係「藥膳麻辣鍋」，湯底加入指天椒🌶️及六種不同藥材，又麻又辣仲好香。而藥材有助帶走體內寒氣，促進代謝。肉類🥩以手機落單任食以下肉類：北海道夢之大地豚梅肉🇯🇵🐷北海道夢之大地豚西冷🇯🇵🐷丹麥皇冠豚肉🇩🇰🐷澳洲產長期穀飼牛🇦🇺🐮「北海道夢之大地豚」採用係日本🇯🇵北海道飼養嘅豬品種「銘柄豚」🐷，肉質幼嫩油脂略帶甘甜，油花均勻，而且膽固醇比一般豬品種為低。除咗以上肉類，自助吧有雞肉🐔及魚柳肉🐟自取任食。火鍋配料可於自助吧自取任食，有各式野菜🥒🌽、丸類、烏冬、拉麵🍜等。
野菜方面，夏日野菜有蕃茄、洋蔥、蟹味菇、蓮藕、冬瓜、秋葵等，配搭蕃茄壽喜燒鍋可以中和壽喜燒嘅甜味，同埋提升清爽口感。😋飲品🧃🍹任飲多款汽水、茶類等飲品。新鮮水果🍉🍍有西瓜、哈密
香港有眾多型式火鍋店，呢間主打「一人一鍋」日式🇯🇵涮涮鍋放題，任飲任食90分鐘。
✿ 北海道夢之大地豚肉放題套餐 $299
湯底🍲
今次二人同行選擇咗兩款不同湯底。
第一款係夏日限定☀️湯底「蕃茄壽喜燒」，由即日起至2023年8月31日供應。湯底以壽喜燒汁加入原粒鮮番茄🍅熬煮而成 ，酸甜蕃茄融合傳統壽喜燒嘅甘甜，味道平衡，滋味開胃，好適合夏天享用。
第二款係「藥膳麻辣鍋」，湯底加入指天椒🌶️及六種不同藥材，又麻又辣仲好香。而藥材有助帶走體內寒氣，促進代謝。
肉類🥩
以手機落單任食以下肉類：
北海道夢之大地豚梅肉🇯🇵🐷
北海道夢之大地豚西冷🇯🇵🐷
丹麥皇冠豚肉🇩🇰🐷
澳洲產長期穀飼牛🇦🇺🐮
「北海道夢之大地豚」採用係日本🇯🇵北海道飼養嘅豬品種「銘柄豚」🐷，肉質幼嫩油脂略帶甘甜，油花均勻，而且膽固醇比一般豬品種為低。除咗以上肉類，自助吧有雞肉🐔及魚柳肉🐟自取任食。
火鍋配料
可於自助吧自取任食，有各式野菜🥒🌽、丸類、烏冬、拉麵🍜等。
野菜方面，夏日野菜有蕃茄、洋蔥、蟹味菇、蓮藕、冬瓜、秋葵等，配搭蕃茄壽喜燒鍋可以中和壽喜燒嘅甜味，同埋提升清爽口感。😋
飲品🧃🍹
任飲多款汽水、茶類等飲品。
新鮮水果🍉🍍
有西瓜、哈密瓜、菠蘿等不同水果，配搭雪糕一齊食亦得。
甜品
任食Häagen-Dazs雪糕🍦，款式有士多啤梨🍓、比利時朱古力🇧🇪🍫、芒果🥭及柚子檸檬馬卡龍。
「柚子檸檬馬卡龍」係Häagen-Dazs全新口味。柚子檸檬雪糕拌入柚子檸檬軟心醬，酸酸甜甜好清新，配搭馬卡龍脆餅，酥脆煙韌仲有淡淡杏仁香。
總結🫦
除火鍋放題以外，餐廳仲推出夏日限定☀️「千本引拉繩挑戰」拉繩抽獎遊戲，結賬後憑收據就有得玩！
呢種日本🇯🇵抽獎遊戲玩法係每一條繩會連接一份獎品🎁，食客先挑選任何一條繩子，拉起繩子就可以獲取禮品。禮品有夏日祭典玩具、零食或餐飲優惠券(價值$29)，有得食有得玩好滿足😍。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
但馬屋
地址：葵芳興芳路223號新都會廣場2樓251-255號舖
電話：2420 9381
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
