影片
更多
2007-07-24
16 瀏覽
師傅成日心思思都想黎左呢度食野好耐架喇, 可惜此終一直都未能一試, 經過上次要一個鐘內交之後, 終於的起心肝打個電話去訂先! 上個禮拜六終於一試喇, 感覺就.........訂左位兩個人準時到達, 由知客帶位, 到左張前竟然要除鞋先可以坐, 心諗食餐飯, 使唔使除鞋呀? 反正我都熱死辣辣, 沖埋涼又得唔得呀? 師傅我就覺得好鬼麻煩喇, 但女友竟然覺得好玩, 真係比佢激死!坐底睇下餐牌有咩好味啦, 嘩! 真係花多眼亂, 樣樣都好似好好味咁, 都唔知食咩好, 於是乎咪問下個伙計有咩推介啦, 個伙計就好有禮貌咁問我之前有冇黎過呀, 我咪話冇囉, 跟住佢就好友善咁介紹左d野食比我地喇!我地就左菠菜溫泉玉子沙律, 法式芥末籽牛舌, 燒汁牛肋骨肉, 法式小羊排配意大利香草同埋和風蕃茄半殼帶子!菠菜溫泉玉子沙律係由菠菜, 椰菜同麵包糠加埋d日式沙律醬混埋一齊, 食落口好清好爽口, 而一d菜腥味都冇, 日式沙律醬就酸酸甜甜好惹味; 法式芥末籽牛舌係一片片薄牛舌, 放個爐度燒, 好爽口好入味, 正呀; 燒汁牛肋骨肉又係得喎, 牛助骨肉好入味, 燒熟後一d都唔韌, 好好味; 法式小羊排配意大利香草就得兩件
訂左位兩個人準時到達, 由知客帶位, 到左張前竟然要除鞋先可以坐, 心諗食餐飯, 使唔使除鞋呀? 反正我都熱死辣辣, 沖埋涼又得唔得呀? 師傅我就覺得好鬼麻煩喇, 但女友竟然覺得好玩, 真係比佢激死!
坐底睇下餐牌有咩好味啦, 嘩! 真係花多眼亂, 樣樣都好似好好味咁, 都唔知食咩好, 於是乎咪問下個伙計有咩推介啦, 個伙計就好有禮貌咁問我之前有冇黎過呀, 我咪話冇囉, 跟住佢就好友善咁介紹左d野食比我地喇!
我地就左菠菜溫泉玉子沙律, 法式芥末籽牛舌, 燒汁牛肋骨肉, 法式小羊排配意大利香草同埋和風蕃茄半殼帶子!
菠菜溫泉玉子沙律係由菠菜, 椰菜同麵包糠加埋d日式沙律醬混埋一齊, 食落口好清好爽口, 而一d菜腥味都冇, 日式沙律醬就酸酸甜甜好惹味; 法式芥末籽牛舌係一片片薄牛舌, 放個爐度燒, 好爽口好入味, 正呀; 燒汁牛肋骨肉又係得喎, 牛助骨肉好入味, 燒熟後一d都唔韌, 好好味; 法式小羊排配意大利香草就得兩件羊, 唔算太肥, 肉身好香好鬆, 香草醃得好味好正; 和風蕃茄半殼帶子就得一隻, 成隻連殼燒, 師傅我都係第一次咋, 好得意, 蕃茄好甜好清而帶子都算大隻, 而且仲已經切開四份細細件咁, 用筷子一夾就食得, 好野!
總括黎講好得, 第一次食日式燒烤感覺好好, 其實仲有好多野想燒黎食, 不過食唔到咁多同埋都比較貴, 下次有機會一定會再黎!
張貼