咕嚕丸子屋 (已結業)

晏晝同同事唔想食太full，見依間新開嘅章魚小丸子店有唔同口味嘅章魚小丸子，仲有嘢飲，一次過買晒兩樣，所以就試吓啦。朋友就淨係揀咗一隻味道六粒嘅海苔丸子。由於我有選擇困難症，全部味道都好想試吓，啱啱佢有個選擇係招牌開心全家福，有海苔、柴魚片、同中華沙律蟹籽，味道唔會好鹹、沙律醬嘅份量合適、每一粒章魚小丸子都咬到章魚同埋生菜，比例唔錯，算係幾有誠意。我自己最鍾意嘅口味喺中華沙律蟹籽，口感豐富，兩款toppings都爽口。全部丸子都係即叫即整，好新鮮熱辣辣整完即刻食飲品有最近好hit嘅香水檸檬茶，今次嗌咗荷花烏龍香水檸檬茶同茉莉花香水檸檬茶，香水檸檬味濃，唔會過甜。荷花烏龍我第一次飲，幾特別，入口後有淡花茶味。