牛牛日式火鍋放題 (北角匯二期)

營業中

休息中

火鍋放題就食得多，紙火鍋都係第一次見，由日本發起，用竹籃同白紙取代鍋，可吸收多餘嘅油脂同雜質，令湯底唔會因為煮過其他嘢而影響味道，原來食火鍋都可以咁健康😆 店內環境大，樓底高，空間感十足，平日晚上都座滿3/4，有興趣嘅記得要預先Book位呀！今次食咗期間限定供應嘅北海道鱈場蟹日式竹籃纸火鍋放題，120分鐘，包含4款由日本直送嘅蟹宴菜式，分別為參紅帝王蟹腳、炙松葉蟹腳茶碗蒸、味噌松葉蟹膏甲羅燒同酥炸蟹鉗。蟹腳啖啖肉，鮮甜美味、甲羅燒味道濃郁，值得一試。肉類海鮮可無限任食，M6澳洲和牛、扇貝、鮑魚仔等，仲有鳳尾蝦，唔使剝殼，即刻由唔鍾意食變到鍾意食蝦哈哈🦐 QR code落單嘅有前菜同多款炸物小食，雞翼、芝士年糕、自家製韭菜餃等，炸至酥脆可口，新鮮出爐，好好味道。自助區有唔同丸子同蔬菜，另外有幾款炸物、主食、甜點、生果等供應。值得一提嘅係仲有點心食，叉燒包、奶黃包、小籠包、燒賣同蝦餃真係好食到不得之了，皮薄餡多，絕對比得上出面嘅點心專門店。最後記得要食埋糯米糍同甜品呀！