五要素食堂 (已結業)

同同事行The One，經過三樓呢間”Fifth Element”，見餐廳幾有feel，價錢又唔算太貴，餐牌上面嘅日式料理又幾吸引，於是就入咗去。我同同事一人叫咗一個丼，我要咗「熟成厚切牛舌丼」加隻温泉蛋，同事就要咗個「美國黑毛和牛丼」，而每個餐會跟碗湯同個沙律。牛舌切得比較厚，見到其他食評話嫌佢太厚，不過我覺得係要切到咁厚先至啱啱好，味道濃郁，再加埋個飯嘅醬汁、紙菜同温泉蛋，食落好滿足。小食叫咗碟「海苔水牛城雞翼」，碟雞翼有隻藍芝士醬點，藍芝士隻味好重，我覺得ok不過就未必人人都接受到，雞翼辣辣哋不過不失。餐廳除咗日式丼飯，仲有手打意粉同薄餅，呢啲就等下次嚟再試。