Hungry Monkey (海之戀商場) (已結業)

剛剛搬嚟荃灣海之戀住，聽說有間日本餐廳叫Hungry Monkey 好有格調而且食物唔錯。門口看好似間酒吧但入內有另一種格調。 食物種類都有好多種選擇。頭盤有蕃茄沙律配埋芫茜一齊吃大大特出咗蕃茄嘅新鮮味道。辣酒東風螺，啲螺唔會好辣而且口感好爽口。唐揚金蝦， 蝦好新鮮連啲殼都可以吃非常脆口。黑松露香草牛油焗雜菌， 本身雜菌係冇乜味道但加埋牛油蒜蓉最緊要係黑松露，吃落唔會覺得好油膩。南非鮑魚啲肉質好淋，吃落好有鮑魚嘅鮮味。羊架啲肉燒得內嫩外脆， 最緊要唔會有好重嘅騷味。香蔥牛肉薄燒， 啲牛肉捲埋啲蔥一齊吃口感上好特別， 如果喜歡吃葱一定喜歡這個。松葉蟹肉海膽炒飯，啲蟹肉好新鮮，而且海膽可以形容一嚿嚿海膽， 所以幾乎每一啖飯都有海膽味道。一夜干魷魚，啲魷魚燒得 剛剛好唔會太乾身，而且肉質好嫩。最後廣島燒， 材料包含臘腸，芫茜 ，蝦米，肉鬆，叉燒就係材料方面已經覺得好豐富， 可能有芫茜感覺上唔會好肥膩。最後飲埋自家天使之氣紛白桃濁酒， 味道非常唔錯。