影片
更多
2022-08-15
80 瀏覽
難得今日work from home, 同家姐一齊放工落街食，bookmark 咗呢間鐵板燒餐廳好一陣子，終於可以試到，果然冇令我哋失望。頭盤沙律外觀好吸引，一個紅卜卜既蕃茄，，上面加上蔥粒同蘿蔔碎，麵豉日式豉油醬油汁，好開胃的冷盤。南非鮑魚肉質爽滑，鮮甜，鮑魚都唔算細隻，雖然安排杰身少少的豉油，點少少有提味效果。龍蝦龍蝦係用燒既方法黎做，食落好鮮甜，好大隻，開邊見d蝦膏又多又吸引，雖然食咁多有d唔健康，不過見到咁吸引，都唔理得咁多，食左先，肉質爽滑彈牙。用海膽醬燒令呢隻龍蝦雙倍邪惡。黑松露香草牛油焗雜菌都算大份，黑松露比例算多，不同菇類一齊焗，味道都唔錯，如果可以換個靚d既焗盤就色香味俱全。唐揚南國鳯尾即係雞Pat Pat, 炸得黃金色，睇落好脆加上大部份油已經吸走左，外形吸晴，加d檸汁同芥汁，香口小食，不過有d熱氣，小食多滋味，食唔晒打包拎走。避風塘茄子本身都鍾意食茄子，咁樣食都係第一次，將茄子切細再用富有香港特色既避風塘炒法，香辣味滲入茄子，食落好惹味。港島燒之前都食唔少廣島燒，不過呢個都好特別，係「港」島燒，有香港特色，有蠟味，叉燒，蝦米，肉鬆鋪滿上面，另外自己可以按自己喜好加
頭盤沙律
外觀好吸引，一個紅卜卜既蕃茄，，上面加上蔥粒同蘿蔔碎，麵豉日式豉油醬油汁，好開胃的冷盤。
南非鮑魚
肉質爽滑，鮮甜，鮑魚都唔算細隻，雖然安排杰身少少的豉油，點少少有提味效果。
龍蝦
龍蝦係用燒既方法黎做，食落好鮮甜，好大隻，開邊見d蝦膏又多又吸引，雖然食咁多有d唔健康，不過見到咁吸引，都唔理得咁多，食左先，肉質爽滑彈牙。用海膽醬燒令呢隻龍蝦雙倍邪惡。
黑松露香草牛油焗雜菌
都算大份，黑松露比例算多，不同菇類一齊焗，味道都唔錯，如果可以換個靚d既焗盤就色香味俱全。
唐揚南國鳯尾
即係雞Pat Pat, 炸得黃金色，睇落好脆加上大部份油已經吸走左，外形吸晴，加d檸汁同芥汁，香口小食，不過有d熱氣，小食多滋味，食唔晒打包拎走。
避風塘茄子
本身都鍾意食茄子，咁樣食都係第一次，將茄子切細再用富有香港特色既避風塘炒法，香辣味滲入茄子，食落好惹味。
港島燒
之前都食唔少廣島燒，不過呢個都好特別，係「港」島燒，有香港特色，有蠟味，叉燒，蝦米，肉鬆鋪滿上面，另外自己可以按自己喜好加紫菜份量，自己有份參與，食落都好味d。
松葉蟹肉海膽炒飯
海膽同松葉蟹我都喜愛，個炒飯真係色香味俱全，唔油之餘，蟹肉海膽比例都多，填肚之餘又滿足。
我哋2個都食得好飽，因為通常唔係食魚生壽司，就食熱食，今日一次過係一間食店食咁多唔同種類既日式鐡板燒食物，十分滿足，價錢亦都合理，可以再幫襯。
張貼
