宏 (已搬遷) 新店位置

朋友喜愛抹茶，就約左佢黎呢間係尖沙咀the one商場內既宏，貪佢又有主食又有抹茶甜品，一次食曬唔係周圍轉場。大鰻魚飯套餐$198呢個套餐除左鰻魚飯之外，仲有附送沙律、烏冬、抹茶卷同餐飲，真係好豐富呀！鰻魚飯味道不錯，肉質柔軟。海藻烏冬爽口彈牙，湯底比較清，剛好中和鰻魚的味道。跟餐的迷你抹茶卷好好食，蛋糕柔軟濕潤，抹茶味濃郁炸豬扒蛋包飯$128豬扒分量不算多，但係炸得好脆，豬扒都有肉汁。蛋包飯的蛋炒得很滑，但如果內裡係炒飯唔係白飯就會更出色啦。宇治抹茶奶$40更餐轉飲其他飲品可以減20，就是這杯只需20蚊就可飲到。抹茶味道非常濃郁，帶有抹茶獨特既甘味，不錯。日本草莓沙冰$89非常大杯，真係要快d飲，如果唔係就會不停融化流下。這杯沙冰飲得出係用草莓果肉打成，並非用化學調味，味道很清新。不過草莓味道可以再濃些。日本草莓卷$60同抹茶蛋卷一樣，這個都很出色。蛋糕很鬆軟，忌廉也很好食。抹茶軟雪糕芭菲$88好多配料好豐富啊，睇見都開心！雪糕軟滑，同入面d配料一齊食真係好唔錯！