影片
更多
2022-12-15
832 瀏覽
杉原家茶屋 Sugiharake Chaya📍尖沙咀加拿分道33號發利大廈地下2A號舖呢日約咗喺尖沙咀做牙科覆診，朋友陪我上去診所之前，想買少少嘢食頂肚餓同做宵夜，所以行過呢間由日本人主理嘅茶屋，就買咗幾個試下！ 💰$17味噌醬茄子 🍆🍙我對呢款茄子最有期望，因為除咗喺壽司郎有得食味噌茄子壽司之外，都比較少見到有壽司或飯團會用茄子做配料。佢嘅調味比較淡，味噌醬唔係太突出，茄子都算好味嘅，但整體口味較淡，始終係手作嘅小店，相信唔會落太多味精或調味。 💰$18三文魚絲玉子燒 🐟🍙三文魚絲唔算多，存在感不大，但玉子燒燒得好食夠厚身，而且甜度適中，真係好有日本家庭感！有少少可惜嘅係啲飯冇想像中咁軟身，咬落有少少硬，影響咗整體嘅食感。 💰$19炸大蝦沙律 🍤🍙炸蝦調味偏淡，炸漿亦因為包住放落雪櫃所以唔係脆口，不過不失咁。我鍾意佢個他他沙律醬，同個飯團好夾！同上面兩款嘅問題一樣，飯比較硬，而且好易散，有少少影響口感。 💰$18抹茶鮮奶 🍵抹茶鮮奶一向都係我最鍾意嘅飲品，呢一枝樽仔版嘅好可愛，奶味好濃，綠茶唔會苦澀，而且佢嘅比例應該係奶多個茶，啱晒我嘅口味！雖然飯團嘅飯食落偏硬易散，但佢嘅紫菜都係脆
📍尖沙咀加拿分道33號發利大廈地下2A號舖
呢日約咗喺尖沙咀做牙科覆診，朋友陪我上去診所之前，想買少少嘢食頂肚餓同做宵夜，所以行過呢間由日本人主理嘅茶屋，就買咗幾個試下！
[價錢 Price]
💰$17
味噌醬茄子 🍆🍙
我對呢款茄子最有期望，因為除咗喺壽司郎有得食味噌茄子壽司之外，都比較少見到有壽司或飯團會用茄子做配料。佢嘅調味比較淡，味噌醬唔係太突出，茄子都算好味嘅，但整體口味較淡，始終係手作嘅小店，相信唔會落太多味精或調味。
[價錢 Price]
💰$18
三文魚絲玉子燒 🐟🍙
三文魚絲唔算多，存在感不大，但玉子燒燒得好食夠厚身，而且甜度適中，真係好有日本家庭感！有少少可惜嘅係啲飯冇想像中咁軟身，咬落有少少硬，影響咗整體嘅食感。
[價錢 Price]
💰$19
炸大蝦沙律 🍤🍙
炸蝦調味偏淡，炸漿亦因為包住放落雪櫃所以唔係脆口，不過不失咁。我鍾意佢個他他沙律醬，同個飯團好夾！同上面兩款嘅問題一樣，飯比較硬，而且好易散，有少少影響口感。
[價錢 Price]
💰$18
抹茶鮮奶 🍵
抹茶鮮奶一向都係我最鍾意嘅飲品，呢一枝樽仔版嘅好可愛，奶味好濃，綠茶唔會苦澀，而且佢嘅比例應該係奶多個茶，啱晒我嘅口味！
雖然飯團嘅飯食落偏硬易散，但佢嘅紫菜都係脆嘅，唔會淋晒，而且考慮到佢喺尖沙咀地段，仍然賣緊$20樓下一樣嘢食同嘢飲，算係唔話得㗎啦！店舖係有日本人經營，識日文嘅，大家可以去同店主店員傾吓計，佢哋都好Nice嘅，唔識嘅都可以用廣東話去傾偈㗎！三個飯團一枝嘢飲，加埋都係$72 ，已經可以食得飽飽，食得健康，杉原家真係不失一個好選擇！
張貼
