影片
更多
2023-12-03
102 瀏覽
今日黎到位於上環嘅哩間鐵板燒餐廳。餐廳環境雅緻舒適，有長形吧枱位置、二人及四人座位。餐廳由日本師傅主理，鐵板燒嘅菜式由廚師發辦，而且菜單設計融合日中西料理及日本師傅故鄉新瀉県既元素，非常特別～✨ OKINAWA SPECIAL LUNCH SET $588🔺沖繩県期間限定菜式🔸 OKINAWA MOZUKU前菜係滑溜微酸既水雲，加上秋葵及蕃茄碎，非常開胃。🔸 SEASONAL SALAD沙律用上好多唔同種類嘅沙律菜，仲有蕃茄同西蘭花，同出面嘅沙律唔同，哩度嘅胡麻醬非常足夠，而且已經撈勻晒，非常夠味～🔸 OKINAWA KURUMA PRAWN SHABU SHABU沖繩車海老新鮮彈牙，旁邊仲有炸得香脆既蝦頭，底下有黏稠既山藥泥，配搭新穎。🔺食到中段會有一碟蔬菜，包括茄子、薯仔及翠玉瓜，全部都濕潤多汁～🔸 WAGYU HIME BEEF TENDERLOIN哩碟和牛真係不得了❗️肉質軟嫩，牛味相當濃郁，而且充滿肉汁及油脂香，旁邊仲有炸蒜片、Wasabi同海鹽，我最鍾意就係將蒜片同埋Wasabi加埋落去一齊食，真係非常出色👍🏻🔸 WAGYU GARLIC FRIED RICE師傅用上和牛粒炒
餐廳由日本師傅主理，鐵板燒嘅菜式由廚師發辦，而且菜單設計融合日中西料理及日本師傅故鄉新瀉県既元素，非常特別～
✨ OKINAWA SPECIAL LUNCH SET $588
🔺沖繩県期間限定菜式
🔸 OKINAWA MOZUKU
前菜係滑溜微酸既水雲，加上秋葵及蕃茄碎，非常開胃。
🔸 SEASONAL SALAD
沙律用上好多唔同種類嘅沙律菜，仲有蕃茄同西蘭花，同出面嘅沙律唔同，哩度嘅胡麻醬非常足夠，而且已經撈勻晒，非常夠味～
🔸 OKINAWA KURUMA PRAWN SHABU SHABU
沖繩車海老新鮮彈牙，旁邊仲有炸得香脆既蝦頭，底下有黏稠既山藥泥，配搭新穎。
🔺食到中段會有一碟蔬菜，包括茄子、薯仔及翠玉瓜，全部都濕潤多汁～
🔸 WAGYU HIME BEEF TENDERLOIN
哩碟和牛真係不得了❗️肉質軟嫩，牛味相當濃郁，而且充滿肉汁及油脂香，旁邊仲有炸蒜片、Wasabi同海鹽，我最鍾意就係將蒜片同埋Wasabi加埋落去一齊食，真係非常出色👍🏻
🔸 WAGYU GARLIC FRIED RICE
師傅用上和牛粒炒飯，飯炒得粒粒分明，帶有和牛嘅油脂香，仲會附上麵豉湯及醃青瓜。
🔸 HOMEMADE ICE CREAM
自家製雪糕有三款口味可以選擇，我就揀咗蜜糖牛奶，雪糕奶味香濃，蜜糖味清甜，上面仲灑上開心果碎～
🔸 SHIKUWASA SODA
沖繩香檸梳打味道清新酸爽，能夠一解油膩感～
張貼
