八海山

營業中

休息中

因為朋友有張coupon 想用埋佢，見張coupon 咁抵食，所以就黎咗呢度食飯。原來呢間餐廳已經屹立喺寶勒巷好多年，第一次黎拜訪，發現入面有好多日本人食客。前菜有啲螺肉食下。朋友發板叫咗個龍蝦沙律，一入口好震撼味蕾，係每啖都有龍蝦肉，而且沙律味都好香濃，好味！雞泡魚乾，每次食日本野都會嗌，燒得好軟熟，好好味！雜錦魚生，有好多款刺身，呑拿魚，三文魚，帶子，甜蝦，海膽，油甘魚同𩶘魚，款款都好新鮮，比較鍾意少食嘅𩶘魚，好鮮味。呢盤刺身用coupon 有半價，真係幾抵食！忌廉薯餅，點炸豬扒汁食個味超夾，個汁酸酸地，可以解膩，薯餅入邊有好多忌廉，正！試咗條鹽燒花魚，擠咗檸檬汁，帶出到魚嘅鮮味！還掂食開魚，叫多個雪菜炒飯，店員話雪菜炒飯係日本人嘅屋企先會食嘅野，幾特別，飯炒得好乾身，雪菜又有少少咸味，仲有啲白飯魚喺入面，幾好味！