黑龍

營業中

休息中

日本拉麵百吃不厭，要食就要去正宗日本人開設的拉麵店，位於灣仔的「黑龍」，2014年開業，要排隊是常態。幸好面積並非迷你，大概有20個位，星期五中午1:15去到，大概等30分鐘，睇吓餐牌揀定食物，時間好快就過。主打豚骨湯，是一般香港人最喜歡的湯頭味道；當然仲有其他變奏，例如白雞鹽、桜海老、魚介醬油及牡蠣山椒等。肉的配料亦不只叉燒，仲有牛筋、三枚肉，看來非常受歡迎，等位期間已經有一些口味沽清！記得留意每月限定優惠，我們馬上在社交平台追蹤，即送一人一只吉列大蝦，新鮮酥脆，千祈唔好錯過！我們選擇了兩個麵及三款小食分享：牡蠣山椒辛味噌拉麵 $160沖繩鹽味豚骨拉麵 $90 加紫菜 $15餃子 $40炸雞 $40章魚燒 $25兩款拉麵湯頭各有特色，分別是紅白湯頭相映成趣！山椒辛味辣辣地惹食慾，再加上肥嘟嘟的三粒牡蠣，愈食愈滋味！鹽味豚骨有著澎湃的肉香，濃稠的口感，必定夠飽肚。至於麵質亦一流，柔軟有韌性，而且非常掛汁；豚肉肥瘦均勻，唔嚡口。溫泉蛋同樣是不敗之作。餃子外脆內軟，炸雞皮脆肉嫩，有圖為證，見照片都知道白滑。傳統日式拉麵店佈置，很有氣氛，值得再訪，下次就要早啲到。