麵屋一京 (已結業)

去深水埗買電腦野順便食埋個午餐先...平時去開都是茶餐廳或者雲吞麵檔無咩新意食到悶悶地，今次我哋行下行下見到間日本人開嘅拉麵店咁更係入去試試啦！朋友見到餐牌有個寫住每日限20碗，見已經下午一點半就問下店員仲有無這款“真。叉燒拉麵”好好彩仲有就叫了一碗，我就點咗“紫菜粟米拉麵”加一支靜岡蜜瓜汽水。真.叉燒拉麵 ，肉好鮮嫩好薄唔錯拉麵有咬口不過略為咸咗啲。紫菜粟米拉麵，雖然簡單咗啲但味道幾好有時簡單嘅餸菜先試出真功夫。靜岡蜜瓜汽水，有蜜瓜味唔假幾清甜。