日本洋食屋 翔 (已結業)

荃灣中心開了一間日本人廚師主理的「和洋食」，味道絕對有日本水準之餘，價錢也十分平民化，小黃鳥都想一食再食。先來的是南瓜湯，比大家熱身一下，入面有南瓜絲。第一味主菜是「自家製香辣肉絲Pizza」。Pizza有濃濃的芝士，但又沒有蓋過雜菜及肉絲味道，功夫不錯。第二道主菜是卡邦尼意粉。意粉有口感，醬汁濃郁，同時又無落過量蛋黃，食落唔會太油膩，比得上唔少貴價餐廳。第三道菜是咖哩豬扒。最令人感動的是豬扒脆得來又唔乾，咖哩唔辣又十分配合豬扒的味道，飯亦都係用珍珠米，絕對是無可挑剔。餐廳的待應亦都係老闆娘，每逢客人來到盡量做到有求必應，今時今日咁既價錢有咁既服務態度，絕對值得一讚。