豊勝手丼 (已結業)

響銅鑼灣搵日本野食，見呢間好多款式選擇，同朋友試下。先叫一份薄燒牛肉沙律，牛肉半生熟，保留牛肉鮮味，烹調以慢煮方式，再加了蟹籽及配以開胃沙律菜。再叫了餐廳其中一樣招牌菜式，打卡一流的九鼎丼，聽個名已好有氣勢，上枱時相當吸晴，有九款日本料理最受歡迎的魚生同菜式，先食熟食，係蒲燒鰻魚，厚身，加上面層微微焦香及芝麻，好香口；雖然每份杯子細細，但份量一點都不吝嗇，每碗都載得滿滿的，之後急不及待食滿滿的海膽，色澤金黃，口感份外甘甜，非常新鮮好味，感覺幸福。另一驚喜係蟹羔，同樣是澎湃，蟹羔味濃郁，通常在甲羅燒會食到，但咁樣淨食大大啖的蟹羔，真係第一次，另一款係三文魚籽，每粒都在口內爆漿，好鮮甜，配上醋飯底的酸味，更帶出每樣海鮮的鮮甜味。還有其他刺身，有油香十足的吞拿魚拖羅，三文魚，真鯛魚味道較清淡，口感較煙韌，油甘魚，還有一梳梳的蟹肉，好滿足。飲品叫了桃味梳打，之後見到餐廳自家釀製多款梅酒及生果酒，下次必定試下。