影片
更多
2023-10-18
74 瀏覽
朋友係牛魔王，約咗去銅鑼灣呢間燒肉放題午餐，價錢$458/位，可以任食刺身、壽司、和牛，仲有海洋拼盤添。我哋like & share 社交平台仲送咗兩隻大蒜焗蠔添😆一坐低店員就送上刺身拼盤，有生蠔、油甘魚三文魚、吞拿魚、帶子、希靈魚，全部都新鮮好食😋最驚喜係有伊勢牡蠣刺身，雖然唔算好大隻，但係都新鮮甜美。店員送上海鮮拼盤、月見燒鳥串、和牛沙津同埋和牛拼盤。首先梗係燒啲和牛食先啦，拼盤有啲係A5熊本黑毛和牛，有啲係A 4岩手黑毛和牛，每款肉質都鬆軟，我就最鍾意食A5熊本黑毛和牛牛五花，油脂同埋牛香到十足😋和牛沙律嗰塊燒和牛片都好正，油脂豐富，入口即溶。另外和牛牛小排同埋厚切牛舌都好好味😍，燒得外面焦焦，裏面保持肉汁，牛味香濃。特別係牛舌，柔軟得來又帶啲爽口，口感好正😋食完1 round牛肉，就食吓海鮮，竟然有甲羅燒，將蟹膏、鵪鶉蛋、蟹柳同埋蟹籽撈勻，慢慢燒香氣四溢，口感棉密，甘香甘香😋燒扇貝同埋好多好正，扇貝大大隻，而且好厚肉，加上一啲牛油，好香好鮮甜。燒生蠔燒原有店員幫手開蠔殼，裏面嘅號執鮮甜，雖然好肉細細，但係都甘香鮮美。燒大蝦香就不在話下，肉質爽彈，啖啖肉。壽司小食方面，我哋淨係試
一坐低店員就送上刺身拼盤，有生蠔、油甘魚三文魚、吞拿魚、帶子、希靈魚，全部都新鮮好食😋最驚喜係有伊勢牡蠣刺身，雖然唔算好大隻，但係都新鮮甜美。
店員送上海鮮拼盤、月見燒鳥串、和牛沙津同埋和牛拼盤。首先梗係燒啲和牛食先啦，拼盤有啲係A5熊本黑毛和牛，有啲係A 4岩手黑毛和牛，每款肉質都鬆軟，我就最鍾意食A5熊本黑毛和牛牛五花，油脂同埋牛香到十足😋和牛沙律嗰塊燒和牛片都好正，油脂豐富，入口即溶。
另外和牛牛小排同埋厚切牛舌都好好味😍，燒得外面焦焦，裏面保持肉汁，牛味香濃。特別係牛舌，柔軟得來又帶啲爽口，口感好正😋
食完1 round牛肉，就食吓海鮮，竟然有甲羅燒，將蟹膏、鵪鶉蛋、蟹柳同埋蟹籽撈勻，慢慢燒香氣四溢，口感棉密，甘香甘香😋燒扇貝同埋好多好正，扇貝大大隻，而且好厚肉，加上一啲牛油，好香好鮮甜。燒生蠔燒原有店員幫手開蠔殼，裏面嘅號執鮮甜，雖然好肉細細，但係都甘香鮮美。燒大蝦香就不在話下，肉質爽彈，啖啖肉。
壽司小食方面，我哋淨係試咗幾款，炙燒左口魚裙邊壽司、炙燒三文魚壽司、三文魚子軍艦都正😋炸榴槤波波都好食，出面脆脆，跟住係軟糯嘅質感，然之後裏面爆多榴槤餡，濃郁香甜😍
跟住我哋仲有食啲蔬菜，燒翠玉瓜、燒菠蘿、牛油金菇、雞髀菇，清清油膩，食咗咁多肉感覺比較健康👍🏻
最後食埋一人一杯雪糕，有Movenpick 同埋大阪雪糕揀，我哋食咗一杯士多啤梨Movenpick同埋一杯豆腐大阪雪糕，好飽好滿足😌
張貼
