影片
更多
2018-07-14
73 瀏覽
一直想試居酒屋好耐，終於搵到呢間北海道爐端燒試，好似去咗日本咁，成個環境都好舒服。嗌咗幾款烤物，例如呢個烤花魚一夜干。一夜干係北海道漁夫保存魚既方式，將鮮魚剖開，同清除內臟之後，會浸泡鹽水，再經一夜風乾，咁就可以令魚肉更加鮮味，肉質更加緊實。食落味道唔會太咸，但保存咗魚肉既鮮味，而且魚肉好結實，好香口。加少少檸檬會更加清爽。亦都嗌左一個炒野菜，有椰菜蘿蔔洋蔥同豚肉等，再配上醬油同味醂，用鐵板上碟，令菜保留溫度之外，亦有陣鐵板香味，非常唔錯。主食方面叫咗個醬油豬軟骨拉麵，估唔到呢度既拉都同樣出色，唔輸比出面既拉麵店。湯底係醬油味噌，但有少少豬油香味，好濃厚既感覺。溏心蛋既蛋汁好香好滑，仲有木耳絲，筍絲同粟米，而豬軟骨就煮得好淋好香醬油味。其後，店員好細心送上甲羅燒同烤爐，幫我哋淋上燒酒，仲教我哋點燒，只要燒三四分鐘即可。食落好香蟹膏味，而且仲有啲蛋香，再加埋蟹肉食，非常吸引，味道仲好濃郁。而我亦好欣賞店家既烤物，係吧檯旁邊好清晰咁睇住師傅燒，不得不讚師傅，真係好細心咁燒，而且一個人燒咁多唔同既食物，都可以控制到火候同味道，抵讚。而我哋叫既稻草烤安格斯牛扒，有住好香既煙燻味同稻草香，配上脆
嗌咗幾款烤物，例如呢個烤花魚一夜干。一夜干係北海道漁夫保存魚既方式，將鮮魚剖開，同清除內臟之後，會浸泡鹽水，再經一夜風乾，咁就可以令魚肉更加鮮味，肉質更加緊實。
食落味道唔會太咸，但保存咗魚肉既鮮味，而且魚肉好結實，好香口。加少少檸檬會更加清爽。
亦都嗌左一個炒野菜，有椰菜蘿蔔洋蔥同豚肉等，再配上醬油同味醂，用鐵板上碟，令菜保留溫度之外，亦有陣鐵板香味，非常唔錯。
主食方面叫咗個醬油豬軟骨拉麵，估唔到呢度既拉都同樣出色，唔輸比出面既拉麵店。湯底係醬油味噌，但有少少豬油香味，好濃厚既感覺。
溏心蛋既蛋汁好香好滑，仲有木耳絲，筍絲同粟米，而豬軟骨就煮得好淋好香醬油味。
其後，店員好細心送上甲羅燒同烤爐，幫我哋淋上燒酒，仲教我哋點燒，只要燒三四分鐘即可。
食落好香蟹膏味，而且仲有啲蛋香，再加埋蟹肉食，非常吸引，味道仲好濃郁。
而我亦好欣賞店家既烤物，係吧檯旁邊好清晰咁睇住師傅燒，不得不讚師傅，真係好細心咁燒，而且一個人燒咁多唔同既食物，都可以控制到火候同味道，抵讚。
而我哋叫既稻草烤安格斯牛扒，有住好香既煙燻味同稻草香，配上脆脆既炸蒜片同醬汁，而醬汁方面就係胡椒同蒜味既燒汁，非常惹味。牛扒燒得外脆內嫩，仲保留到好多肉汁，而且好有牛味，值得推薦。
張貼
