魚治 (M88)

營業中

休息中

第二次幫襯魚治，好喜歡保留日本屋酒屋風味。朋友有講過所有餐具、醬料等見都係日本運過來，都係間幾用心既餐廳。兩次黎叫左個蔬菜籃食，新鮮空運蔬菜配埋個蟹膏汁點，真係好正。仲有呢個燒魚刺身，店員會係你面前燒個刺身。當你食個時會食到少少焦香味，配上月見點送酒都唔錯。仲叫左好多其他野食，如新鮮鮮味嘅刺身，外脆內軟嘅豆腐，用黎配飯燒原條明太子等。但好可惜兩次黎都食唔到個雪糕三文治。店員話因為返唔到日本嘅麵包，所以冇得賣。唯有睇下下次有冇緣食到啦。最後魚治除左有好野食，仲有表演用禾稈草燒魚。燒完仲每枱送俾你食，總括黎講係一個幾好嘅用餐體驗。