Nunu燒 (已搬遷) 新店位置

難得早放，梗係約同事去食好嘢啦！呢間燒物日本嘢雖然係正中環熱門地段，但不但有晚餐選擇，重唔算太貴，收工時間見未有排隊人潮，就即刻衝入去！入面麻雀雖小，但有濃厚居酒屋的感覺，不時會見到有外賣電單車在外，相信不少附近的人都喜歡叫呢度的外賣我地兩人叫在兩個套餐，加左兩份小食同一份串燒，跟餐除左有小食優惠外，重有柚子、玄米或梅子茶任飲，茶香而且多選擇，十分貼心我地其中一個小食係芥辣八爪魚，冷品份量十足，味道稍嫌有點咸，但十分香口。另一小食為炸蠔，炸粉不多，香脆可口，加上蠔的鮮味，剛炸出來入口十分好味！重頭戲就是兩個主食，其中一個是黑松露温泉蛋牛肉蔥飯牛肉分量豐富，加上入口黑松露的香味四溢，以及蔥的香脆口感，味道十分合。另一重頭戲就是雙重芝士火山鰻魚飯，半條鰻魚加上滿滿的芝士，入口重有一陣火香味，加上濃郁香甜的鰻魚汁。加上鰻魚份量十足，雖然材料都較膩，但不會有肥膩感，且口內的火燒鰻魚的香氣重會令人回想起呢個丼。還有一個重點推介就是燒牛舌，厚切牛舌十分香口，加上適量的胡椒和牛舌本身的油脂令人一再回味！牛舌香且入口即化，對牛魔王們一定係必食之物，十分推薦！