影片
更多
2023-01-13
1073 瀏覽
[ 玩具屋Ganguya ]天后嘅「玩具屋」店外店內放滿日本🇯🇵懷舊玩具&海報：超人、IQ博士、黃金戰士等等，其實佢係一間糅合玩具主題嘅日式餐廳，主理爐端燒、串燒&多款日本清酒🍶。「玩具屋」保留正宗爐端燒🔥 風格，吧檯前面放滿當日嘅新鮮食材，即點即燒，食物燒好後師傅會用木漿遞到客人面前。前菜✿ 味醂魚乾🐠 $88魚乾烤後剪成條狀，口感有啲似豬肉乾😝 而魚乾以味醂醃製，魚肉味油脂清香，配埋沙律醬味道有層次。燒海鮮✿ 北九州蠔🦪 $68/隻燒蠔火喉控制得好好，保持到嫩滑口感。蠔肉燒完都仲好大粒，鮮甜唔腥。✿ 松露醬燒大頭蝦🍤 $168/隻大頭蝦有手掌✋咁大隻，鋪滿整個餐碟，而且蝦肉結實唔霉，肉質鮮甜帶松露醬香味😍燒肉類✿ 雞皮🐔 $36/串雞皮以鹽燒，脆卜卜好香口😍✿ 免治雞肉棒🐔 $50/串免治雞肉混合雞軟骨啖啖肉又好爽脆，配埋自選嘅明太子醬好好味😋✿ 羊架🐑 $58烤羊架好juicy😍 鎖得住肉汁，羊肉嫩滑唔會羶，食唔慣羊嘅朋友可以點少少黃芥辣。刺身 ✿ 水母刺身 $88平時食開嘅海哲係水母嘅一種，但水母刺身口感更彈牙勁爽脆，配埋酸汁好食到停唔到口😋✿ 池魚🐠刺身 $288池魚即點即劏
天后嘅「玩具屋」店外店內放滿日本🇯🇵懷舊玩具&海報：超人、IQ博士、黃金戰士等等，其實佢係一間糅合玩具主題嘅日式餐廳，主理爐端燒、串燒&多款日本清酒🍶。
「玩具屋」保留正宗爐端燒🔥 風格，吧檯前面放滿當日嘅新鮮食材，即點即燒，食物燒好後師傅會用木漿遞到客人面前。
前菜
✿ 味醂魚乾🐠 $88
魚乾烤後剪成條狀，口感有啲似豬肉乾😝 而魚乾以味醂醃製，魚肉味油脂清香，配埋沙律醬味道有層次。
燒海鮮
✿ 北九州蠔🦪 $68/隻
燒蠔火喉控制得好好，保持到嫩滑口感。蠔肉燒完都仲好大粒，鮮甜唔腥。
✿ 松露醬燒大頭蝦🍤 $168/隻
大頭蝦有手掌✋咁大隻，鋪滿整個餐碟，而且蝦肉結實唔霉，肉質鮮甜帶松露醬香味😍
燒肉類
✿ 雞皮🐔 $36/串
雞皮以鹽燒，脆卜卜好香口😍
✿ 免治雞肉棒🐔 $50/串
免治雞肉混合雞軟骨啖啖肉又好爽脆，配埋自選嘅明太子醬好好味😋
✿ 羊架🐑 $58
烤羊架好juicy😍 鎖得住肉汁，羊肉嫩滑唔會羶，食唔慣羊嘅朋友可以點少少黃芥辣。
刺身
✿ 水母刺身 $88
平時食開嘅海哲係水母嘅一種，但水母刺身口感更彈牙勁爽脆，配埋酸汁好食到停唔到口😋
✿ 池魚🐠刺身 $288
池魚即點即劏，擺盤好靚好有心思😃 刺身肉質緊實略帶油香，配以少量芥末&酸汁可食到魚油甘香細膩感。
甜品
✿ 紅豆抹茶丸子配芒果千層蛋糕 $88
食完咁多款燒物再點埋個甜品作為結尾😀抹茶丸子超大粒，口感軟糯，有淡淡抹茶，再配埋紅豆一齊食🫘而芒果千層蛋糕唔會死甜，千層都做得幾好，口感好豐富😋
總結🫦
居酒屋嘅爐端燒🔥加埋佈滿懷舊玩具&海報嘅環境，猶如置身日本🇯🇵。餐廳另設有3間放滿玩具嘅獨立客房，好啱約埋家人朋友包房慶祝🎉 。
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
玩具屋Ganguya
地址：天后銀幕街16號地舖
電話：2348 7800
✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
張貼
