京林屋 (已搬遷) 新店位置

作為抹茶控嘅我，雖然好鐘意抹茶食品但又好怕排隊，京林屋上年喺香港開第一家海外分店都唔去著，等熱潮過咗先嚟。下午茶小試經典林屋抹茶芭菲。京林屋係第一家推出抹茶芭菲，一早諗好必試。上層有兩種抹茶雪糕，一球硬雪糕同半杯軟雪糕，兩種雪糕都有香濃抹茶味但唔同口感。抹茶啫喱軟滑一跣入口，桃粒清甜，成個甜品味道好夾。抹茶芭菲有好多軟雪糕，一個人可能食唔晒，兩個人share比較好。