千里屋食堂 (已結業)

今日朋友約我哋去食日本定食，佢話絕對有日本級數，就去試下佢。喺門口都已經有都已經好有日本風，一入到去就真係好似去咗日本咁，廚師侍應都講日文，亦坐左幾台日本客。雖然裝修好簡單，唔似一般港式日本餐廳裝飾咁裝潢，但係就有一股日本簡約風。餐單亦有好多種類，但主要都係以日本和牛為主打，有燒肉，鐵板/鍋物。最吸引我地就係呢個熟成黑牛champion steak 丼,可以稱之為爆丼牛肉飯。黑牛塔到勁高，waiter拎出黎都驚lum。成個飯有300g安格斯牛翼板肉，肉質煙韌有咬口，但係唔會硬咬唔開，牛肉味濃郁，好滿足。和牛鐵板三種係必食之選，唔好見佢$298覺得貴少少就pass,佢絕對係物超所值，質素同係名古屋食飛驒牛，神戶食和牛一樣，係香港好少食到呢個質素嘅日本鹿兒島食黑牛而唔洗$3-400。佢有三款唔同部位，三款都有唔同口感，脂肪比例亦唔同，入口即溶有、腍身濃肉味有、鬆化亦有，一個餐滿足晒我三個願望👍🏻朋友亦都試左佢地個壽喜燒，見到牛肉肥瘦岩岩好，肉質新鮮，見到食材超有水準。鍋物亦包含好多配料，好抵食。整體餐廳食物用料質素高，主打黑牛，價錢合理唔太貴，仲好多日本人食，可見佢還原度極高。位置又方便，