麦玉子 (已結業)

今日去北角一田行街，去超級市場行到攰攰哋 ，見到賣日本和牛凍肉對面有一間叫玉子燒的小店， 好懷念去日本旅行的日子，心思思就坐低食啦。我嗌咗 一個鰻魚飯 ， 啲日本米煙煙韌韌好飽滿，鰻魚都好有鮮味，一啲腥味都冇，飯有啲洋薏米，又幾特別喎，鰻魚下面有好多玉子雞蛋絲，飯上面有啲薑， 好有日本feel呀。我朋友叫咗最經典嘅日本咖哩吉列豬扒飯， 豬扒入口鬆化， 好大塊 ，咖哩是日式，唔太辣，好似喺日本食嗰啲一樣 ，飯附有玉子2件。另外我們也叫了炸餃子，脆卜卜， 味道唔錯呀，有五隻咁多。 我哋又叫咗兩件炸雞，啲雞肉好嫩，唔會太鹹，總體嚟講  性價比都算高。如果你好想食日本嘢， 都可以試下喎。