大勝軒丸一 (金星閣) (已結業)

男朋友帶路去到太古食大勝軒嘅沾麵，一入門就比佢嘅設計吸引，去唔到旅行都好似去到日本嘅居酒屋咁，可惜當日冷氣系統故障，一邊食都幾熱。叫咗最基本嘅叉燒沾麵，當然唔小得要加蛋！當日嘅流心蛋太流心，啲蛋汁已經就嚟流出嚟，惟有先食蛋再食麵。麵身揀咗適中，所以咬落有咬口，而湯就比一般沾麵淡同稀，唔係好做到掛麵嘅效果。最後叉燒都算大片淋身，不過一夾就散唔可以成片食。而當日想飲酒先叫嘅威士忌梳打都好令人失望，飲落只係梳打水，得一點點威士忌成份，完全唔推介。