北海道爐端燒 (已結業)

細佬生日想食北海道爐端燒，所以一早訂左位帶佢黎一嚐心願，呢道既格局好有日本居酒屋感覺， 好似自身係日本禁，好有特色。明太子雞蛋卷蛋卷鬆軟又重蛋香，每層蛋皮煎得薄而鬆，中間夾住明太子，咸咸辣辣好足料。份量多到就快爆出嚟咁，食起嚟就多汁鹹香。浜燒蟹蓋待應好好見我地唔識燒，走黎幫我地，蟹蓋上鋪滿蟹肉，蟹膏，而中間加入埋蛋黃，燒嘅時候，已經有陣好濃烈嘅蟹膏味傳入我個鼻，蟹肉嘅鮮甜，加埋濃郁嘅蟹膏同混合嫩滑蛋黃，口感豐富，令人好難忘。海膽刺身海膽入口甘甜豐腴，味道相當甘鮮, 味道和質感細軟豐厚，正。芝士意大利面（加明太子）店鋪應該係將意粉放入去芝士到撈勻，意粉表面有好多芝士附着，所以每一口都係芝士，另外加入明太子配彈牙既意粉，鹹度配合得宜，沒有油膩感，必食！明太子沙律，爽脆口感，再配上攻鼻既芥辣味沙律醬，感覺清新。