現 (已結業)

北角感覺都係茶餐廳、酒樓居多，但原來喺書局街隔離有條後巷收埋咗好多特色小店，今次就揀咗間coffeeshop食午餐。見今日唔太熱，唔想入去同人搭枱，就坐咗喺出面。有把大白色遮遮住，唔驚上面滴水，又幾涼爽。開始明點解啲外國人咁鍾意坐室外🤪望返入舖頭，門口枱仔擺咗signatured dish既黑板餐牌，入面大約16個位，空間唔算寬敞。尋晚打完邊爐今日平衡返揀咗個純素意粉，加杯flat white，意粉唔算太大碟，咖啡拉花簡單。意粉用既係純素忌廉汁，入口幾香蒜味，牛油果令個醬汁更creamy，加咗松子又幾香。意粉本身係al dente既，整體感覺唔會太油膩，不過$98又好似貴咗少少。Flat white味道香濃，不過奶泡唔算綿密，食完碟意粉再望杯咖啡啲泡泡已經毀滅咗個拉花，扣咗啲分。