影片
更多
2021-04-07
524 瀏覽
對於好鍾意去日本，又好耐冇得去嘅我，睇雜誌介紹有日本品牌登陸香港，當然第一時間去朝聖！最初聽到罐頭酒吧已經覺得好得意，香港冇呢類酒吧，嚟到第一眼見到個好壯觀嘅罐頭牆，未有得食已經可以先玩打卡！食物有好多款選擇，都係啲大家都識嘅日本食物，好似玉子燒，大阪燒，日式咖喱，蟹膏之類。朋友嗌左杯Mocktail-Cloudy，佢話好好飲，清新嘅味道，顏色又靚，加個西班牙炒飯，個飯好食，上面加左新鮮嘅帶子同蝦，餐廳仲會喺旁邊擺個罐頭俾客人打卡。我就要左個Mocktail-Egg White，個造型好得意，上面有個波波，個波波爆嘅時候會有浸煙散出嚟，真係好特別，而且出奇嘅好飲，味道有層次，中間有菠蘿同榛子嘅味道，呢杯無論造型同味道都好推介。另外個玉子燒都好出色，應該用高湯熬過，聽店員講喺日本店呢個玉子燒係最受歡迎嘅。個激辣咖喱飯係辣嘅，因為我食得辣，對我來講就未至於激辣，裏面有牛肉同薯仔，好送飯，好味！脆炸沙甸魚炸得好香脆，特別鍾意個辣辣地嘅醬汁，好夾。最後要咗個鮮奶咖啡，講真本來冇乜期望，但又真係唔錯，個咖啡豆好香，係我鍾意嘅偏nutty味道。店員好友善，食完又同我哋介紹吓啲罐頭，可以買返屋企，平
最初聽到罐頭酒吧已經覺得好得意，香港冇呢類酒吧，嚟到第一眼見到個好壯觀嘅罐頭牆，未有得食已經可以先玩打卡！
食物有好多款選擇，都係啲大家都識嘅日本食物，好似玉子燒，大阪燒，日式咖喱，蟹膏之類。
朋友嗌左杯Mocktail-Cloudy，佢話好好飲，清新嘅味道，顏色又靚，加個西班牙炒飯，個飯好食，上面加左新鮮嘅帶子同蝦，餐廳仲會喺旁邊擺個罐頭俾客人打卡。
Mocktail- Cloudy
11 瀏覽
0 讚好
0 留言
西班牙炒飯
17 瀏覽
0 讚好
0 留言
我就要左個Mocktail-Egg White，個造型好得意，上面有個波波，個波波爆嘅時候會有浸煙散出嚟，真係好特別，而且出奇嘅好飲，味道有層次，中間有菠蘿同榛子嘅味道，呢杯無論造型同味道都好推介。另外個玉子燒都好出色，應該用高湯熬過，聽店員講喺日本店呢個玉子燒係最受歡迎嘅。
Mocktail- Egg White; 玉子燒
12 瀏覽
0 讚好
0 留言
個激辣咖喱飯係辣嘅，因為我食得辣，對我來講就未至於激辣，裏面有牛肉同薯仔，好送飯，好味！
激辣日式咖喱飯
13 瀏覽
0 讚好
0 留言
脆炸沙甸魚炸得好香脆，特別鍾意個辣辣地嘅醬汁，好夾。
脆炸沙甸魚
10 瀏覽
0 讚好
0 留言
最後要咗個鮮奶咖啡，講真本來冇乜期望，但又真係唔錯，個咖啡豆好香，係我鍾意嘅偏nutty味道。
鮮奶咖啡
5 瀏覽
0 讚好
0 留言
店員好友善，食完又同我哋介紹吓啲罐頭，可以買返屋企，平時煮飯煮麵加個玉子燒都唔錯，又方便又好味，啱晒我呢啲懶人！
總括來講，呢度嘅食物同飲品都好有驚喜，會encore。
張貼
