影片
更多
2022-12-20
267 瀏覽
上星期同阿仔去咗太古城中心行街，行行下肚仔餓，得兩母子又唔想咁大陣象入餐館食，因為食完仲有嘢做。點知俾我發現到，太古城中心二期嘅APITA 餐飲專區原來翻新咗並仲已經重新開幕！呢到現在叫 APITA Eatery (APITA食堂) ，裝潢帶時尚和風設計，採用淺木牆身及檯椅，環境睇落亦好舒服呢 ❤️主打係日式食店，每間食店都擁有不同風格，例如有日式漢堡快餐嘅MOS Burger、有招牌讚岐烏冬嘅丸龜製麵、有天婦羅丼嘅揚天... 等等，咁多元化，滿足大家口味需要 👍鍾意食日本菜嘅朋友，尤其係上班族，呢度就啱哂你哋啊 😄👍於是我同阿仔諗都唔諗就衝去食啦 😆嘩！地方都好大，部份座位更設有USB充電插位 👍題外話，如果想溫書或工作嘅話，可以揀靠牆嘅座位，張檯真係好闊身又深，擺好多嘢都得！👏除咗以上講嘅食店，專區中間有2部 Grab & Go 凍櫃，係售賣輕食、甜品及飲品，輕食有沙律及三文治，甜品有日式糯米滋、蕨餅都有！飲品有果汁、汽水甚至冷泡茶！好多選擇 ❤️阿仔想食 MOS Burger，就叫咗一個餐＋甜品share食 😚 因為我地每人次次都食唔哂一個餐 😂🙈叫咗：照燒雞肉漢堡＋配細厚切薯條＋
呢到現在叫 APITA Eatery (APITA食堂) ，裝潢帶時尚和風設計，採用淺木牆身及檯椅，環境睇落亦好舒服呢 ❤️
主打係日式食店，每間食店都擁有不同風格，例如有日式漢堡快餐嘅MOS Burger、有招牌讚岐烏冬嘅丸龜製麵、有天婦羅丼嘅揚天... 等等，咁多元化，滿足大家口味需要 👍
鍾意食日本菜嘅朋友，尤其係上班族，呢度就啱哂你哋啊 😄👍
於是我同阿仔諗都唔諗就衝去食啦 😆
嘩！地方都好大，部份座位更設有USB充電插位 👍
題外話，如果想溫書或工作嘅話，可以揀靠牆嘅座位，張檯真係好闊身又深，擺好多嘢都得！👏
除咗以上講嘅食店，專區中間有2部 Grab & Go 凍櫃，係售賣輕食、甜品及飲品，輕食有沙律及三文治，甜品有日式糯米滋、蕨餅都有！飲品有果汁、汽水甚至冷泡茶！好多選擇 ❤️
阿仔想食 MOS Burger，就叫咗一個餐＋甜品share食 😚 因為我地每人次次都食唔哂一個餐 😂🙈
叫咗：
照燒雞肉漢堡＋配細厚切薯條＋ 轉飲Latte
再加個北海道抹茶雪糕 💕
個包好大個，雞扒好juicy啊 😍 照燒汁唔會話好鹹，不錯！
杯Latte 咁大杯 😳 都幾香滑，我最後係飲唔哂 😂
杯抹茶雪糕好好味！阿仔真係好人，只俾我食一啖.... 😓
食完超滿足，想周圍行下嘅話，喺主出入口位置旁，更設有「綠色生活專區」，售賣大人或小朋友嘅日常生活用品甚至廚具，好多貨品都圍繞住綠色環保，注重天然及有機健康。產品睇落去都感覺係有質素 👍😊
張貼
