奧壽司

營業中

休息中

假期晏晝同朋友去數碼港野餐，黃昏我地就去隔離既數碼港商場搵嘢食，大家都係第一次嚟數碼港，唔知有咩好食，好彩見到有呢間日本料理餐廳，大家都係鍾意食日本嘢既人，即刻好有共識咁入咗去食。門口好日式三文魚他他($78)，三文魚既邊係燒過既，而佢有一啲醋汁係底，食落去小小酸得嚟有好開胃，而且入口即溶，好鍾意呢個口感。帆立貝特上卷($98)，呢個卷物既組合非常之鍾意，因為有牛油果、帶子同係面既三文魚籽，食落去一次食到三種口感。三文魚芝士燒鰻魚卷($88)，呢個組合都好鍾意，芝士再加鰻魚既配搭真係一流，鰻魚味好重，芝士食落去有啲煙煙銀既感覺，但加埋又唔會太膩。火炙壽司盛合($280)，全部都係火炙 燒過既壽司，味道自然比普通壽司香啲，而佢既米飯份量都比較細，唔會好似有啲壽司舖剩係令到你飽就算，油甘魚、池魚等等都有齊。而其中最鍾意就係個海膽壽司，海膽份量好足，一啖食落去個海膽味足滿晒成口而呢個蝦卷都好好食，成條蝦既肉係連晒2個卷，蝦肉味好強勁。吉列炸生蠔($88)，生蠔好大舊，食落去好鮮甜！野菜天婦羅($72)，加埋天婦羅汁，食落去甘甘地，幾得意。雞腎七味燒($22)+大蔥雞肉串($26)，雞肉串既黑