Honbo (裝修中)

日街充滿各種高級餐廳、酒吧、同時尚用品店，今日經過Honbo，主打美式漢堡。霓虹燈既設計，藍白色外牆，配以開放式座位，可謂日街最型格餐廳。牆上掛上餐廳自製既tote bag，可以媲美潮流用品店既設計。Honbo衛生措施做到足，除左提供酒精搓手液，仲有透明密實袋俾客人放口罩。餐廳只有八款漢堡，貴精不貴多。- Honbo 1.5 麵包超級鬆軟，漢堡扒同芝士一向係最佳拍檔，而Honbo既芝士奶味特別香，口感非常軟滑，漢堡扒肉汁好豐富，同時酸瓜洋蔥可以減低油膩感，減低左heavy既感覺。- Grilled Chicken Burger望落漢堡唔算厚，但其實因為Honbo無放太多配料，食落啖啖肉，肉質完全唔「鞋」，完全補充我一日所需嘅蛋白質。- Cheese Fries薯條非常幼身，芝士採用即溶車打芝士，特別邪惡兼滿足，食到最後已經有大量芝士係底，真係想👅曬佢。Honbo cheese fries係全港漢堡店之中最出色。Honbo將會係中環開第三間分店，中環返工/住既朋友仔有口福啦！