天機棧扒房 (已結業)

其實哩間西餐廳我間唔時都會上去，因為附近工作，地方又就腳。今日早左收工，見到fb賣廣告9點前有個$98豬手set就上左去試，平時通常hea到9點先捨得上去，因為有75折。上到去發現好多人，可能係星期五掛，幸好都仲有位，坐低左先發現裝修唔同左，格局就無乜分別，然後就自自然然叫左個豬手set，例牌頭盤，例牌餐湯多士，終於豬手到左，哩個絕對係令我想出post同大家分享嘅原因，首先隻豬手大到遮住個薯蓉，又嫩滑又多汁，塊皮仲要脆架tim，最後飽到薯蓉都無食，今次真係又要比個讚，最後食埋個必食嘅焦糖燉蛋，真係歇一歇先走到。