Wildfire Pizzabar (鯉景灣) (已結業)

已經好耐無黎過鯉景灣呢頭搵食，今晚想食美式野，一於大吃大吃喝一下。以為星期六會好多日等位，點知去到就有位，餐廳地方幾大，我地坐左係有梳化既位，好寬闊。見佢做緊有個Promotion，叫2樣餐牌上的主菜，可以free 1支magners的蘋果/梨酒，又好似幾抵wor，所以我地叫左個粗薯條同牛膝，另加$35可以要多支magners，結果可以試晒2隻味，梨比較好飲d。粗薯條入口有薯容口感，真係幾鬼粗呀，但就唔係話勁脆果種，有d似著角，岩晒我，因為我都幾怕好炸果d好熱氣，不過如果再多d芝士汁仲正呀 !!侍應都幾細心，提我地個碟仲係好熱lala~羊膝配薯容墊底，炆得幾林，幾入味，但因我怕so味，所以叫左waiter 比左d芥辣我地，點左芥辣之後即時提升左味覺層次。甜品要左個焦糖香蕉脆脆cake，係佢地既推介甜品，賣相好精美，雲尼拿雪糕忍忍見到d雲尼拿子，好滑好香，香蕉好似浸過糖水加工過，唔係就咁新鮮切放上去的，最下面就係cake，再配合埋焦糖醬和脆脆，個cake 就食唔到有香蕉味，唔知係唔係太甜既關係，蓋過左cake的味道。甜品其實都ok，如果少返dd 焦糖醬再配返新鮮香蕉可能會更好。