華豐燒臘專家 (已搬遷) 新店位置

過年前幫襯左呢間老字號，之後連續食左幾次。聽講好多人幾代都黎幫襯過。最出名係燒腩肉，皮好脆，有肉鮮味，唔係普通街市果D咁鞋口，而豬PATPAT位比較爽，似豬頸肉。仲有叉燒幾出名，不過就冇乜焦脆位，聽員工講冇加色素，所以切出來色水係冇外面咁勁，不過健康D我仲鍾意。必食燒雞肝，香口又甘香，真係...無野好講, 而家都冇乜地方有得食。不過怕膽固醇太高，有時唯有忍下口，我阿妹就好鍾意食，話個表皮甜甜地好正。鎮店之寶係茶腿，要$22一兩都幾貴, 不過用黎送酒同夾面包好正, 係咸香既巴馬火腿。