食棧

營業中

休息中

我倆中午十二點到，搭枱。沿用現時比較難得一見嘅舊式自取點心，酒家亦會一直用咪廣播有咩點心新鮮出爐。蝦餃每粒都有兩隻蝦，爽口，不過一咬落去就滴油燒賣食落唔油膩，有粒蝦，唔會啖啖肥豬肉鳳爪好大碟，有7-8隻，亦好味四寶棉花雞腐皮包住雞肉火腿棉花粟米芯，雞肉好滑好入味叉燒包裡面好多叉燒，汁甜蝦腸三大條，皮厚，蝦比較細炸春卷外皮凍左，所以無咁脆，裡面有芋頭咸水角略嫌外皮太厚，但味道係幾好我倆偏好呢種自取點心嘅方式，一路食一路感嘆以前要自己拎點心嘅時候就嫌煩，但當全港大部份酒樓都換成寫紙點菜嘅時候就想懷緬返。再加上今次兩個人八樣點心連茶芥只係$125，相信係連鎖大酒樓需要俾多一個Double，想感受香港文化不坊一試。